《毋但是思念》專題講座｜記憶的延續，佇校園對街的對話現場

佇台南一中校內，黃溫恭醫師的性命故事，早就透過《毋但是思念》第六集的影像，行入學生的心內。這擺，咱邀請黃醫師查某囝——黃春蘭女士，行入鳳盒子 Café，佮逐家面對面分享，彼段毋捌佮老爸見面，遐長的思念、予人監控做記號的成長，以及伊是按怎一步一步重建家己、迎接記憶，寫出《黃春蘭的逆襲人生》。
💬座談對談人
這場座談，咱嘛邀請《毋但是思念》的節目團隊——主持人鄭竹梅（鄭南榕基金會董事長）、導演張山黑、企劃蘇群川——鬥陣來對話，對無仝世代佮身分出發，探討：咱愛按怎記憶過去，才袂閣驚未來？
📍活動資訊
時間｜2025年5月21日（拜三）下晡1點
地點｜鳳盒子 Café（近台南火車站、台南一中對面）
主講｜黃春蘭、鄭竹梅、張山黑、蘇群川
主辦｜公視台語台
協辦｜光庵映畫 x 台南一中
✨備註
因為這擺講座是台南一中校內師生已經有看過影片的延伸活動，建議校外民眾會使先到【公視台語台 YouTube】頻道看 EP6〈黃溫恭〉，才閣來參加現場對話，會閣較感受著彼份橫跨世代的情感佮歷史的重量。